Björg Fenger
2. sæti
GARÐABÆR
„Kjósum fjölskylduvænt samfélag með traustan fjárhag.“
Í störfum mínum sem bæjarfulltrúi og formaður íþrótta- og tómstundaráðs hef ég lagt áherslu á að Garðabær sé fjölskylduvænt samfélag með framúrskarandi og fjölbreyttu íþrótta-, tómstunda-, og forvarnarstarfi fyrir alla aldurshópa. Ég leiddi meðal annars vinnu starfshóps vegna undirbúnings byggingar á fjölnota íþróttahúsi Garðabæjar, vann að útvíkkun forvarnarvikunnar þannig að horft væri til allra aldurshópa ásamt því að vinna að aukinni heilsueflingu í samstarfi við félög eldri borgara í bænum.
Í ört stækkandi sveitarfélagi eru mörg áhugaverð og mikilvæg verkefni fram undan. Ég hef brennandi áhuga og metnað til að vinna að því að Garðabær haldi áfram að vera eftirsóknarvert bæjarfélag í fremstu röð, þar sem góð þjónusta við bæjarbúa, skilvirk stjórnsýsla, ráðdeild í rekstri og lágar álögur eru hafðar að leiðarljósi.
Ég bý yfir fjölbreyttri reynslu sem ég er sannfærð um að muni nýtast vel í áframhaldandi störfum fyrir bæjarfélagið.
Ég vil að fólki á öllum aldri séu búnar aðstæður til að lifa góðu lífi í Garðabæ þar sem áhersla er lögð á framsækið skólastarf, heilsueflandi umhverfi og framsýni í skipulagsmálum.
Garðabær er í fremstu röð þegar kemur að kröftugu íþrótta-, tómstunda- og menningarstarfi. Jafnframt er þar að finna fjölbreytta möguleika til útivistar og hollrar afþreyingar.
Garðabær er í fremstu röð þegar kemur að kröftugu íþrótta-, tómstunda- og menningarstarfi. Jafnframt er þar að finna fjölbreytta möguleika til útivistar og hollrar afþreyingar.
Eldri borgarar eru langt frá því að vera einsleitur hópur einstaklinga sem náð hefur ákveðnum aldri. Árafjöldi er einfaldlega ekki besti mælikvarðinn á hvort einstaklingar teljast aldraðir. Á síðustu áratugum hefur lífaldur okkar Íslendinga lengst sem og lífsgæði okkar batnað. Má því meðal annars þakka aukinni áherslu á andlega-, félagslega- og líkamlega heilsu ásamt þjálfun minnis og örvun á heilastarfsemi.
Lesa meiraÁ fundi bæjarráðs Garðabæjar 28. september síðastliðinn var samþykkt ný akstursáætlun Strætó í Urriðaholti frá og með 1. október 2021. Hin nýja akstursáætlun mun bæta til muna almenningssamgöngur í hverfinu.
Lesa meiraÁ síðustu vikum og mánuðum hafa bæjarbúar fylgst með hvernig nýtt fjölnota íþróttahús hefur risið hratt og örugglega upp í Vetrarmýrinni. Afhending nálgast óðfluga en þessa dagana er verið að vinna við að loka húsinu. Samkvæmt verkáætlun verktakans á að afhenda húsið í lok þessa árs og verður það svo fullfrágengið, í samræmi við útboðsgögn, í febrúar 2022.
Lesa meiraÍ störfum mínum síðastliðin átta ár sem formaður íþrótta- og tómstundaráðs Garðabæjar og fulltrúi í samstarfsnefnd skíðasvæða höfuðborgarsvæðisins, hef ég lagt áherslu á ýmiskonar uppbyggingu á fjölbreyttri aðstöðu fyrir íþrótta- og tómstundastarf fyrir alla aldurshópa. Tel ég að slík uppbygging hafi gríðarlega mikið samfélagslegt gildi og styðji vel við velsæld íbúa.
Lesa meiraUngmennum í Garðabæ líður almennt vel samkvæmt nýjum niðurstöðum sem rannsóknamiðstöðin Rannsóknir og greining kynnti nýverið. Þar kemur fram að lykilatriði í að stuðla að vellíðan barna og unglinga er m.a. samvera með foreldrum, einfalt heimilislíf eins og að borða saman, ísbíltúr, spjall og spil.
Lesa meiraÞegar við hjónin völdum að flytja í Garðabæ með litlu strákana okkar tvo, horfðum við til þess að í Garðabæ hafði tekist að móta öflugt fjölskylduvænt samfélag þar sem lögð var áhersla á fjölbreytt íþrótta- og tómstundastarf, góða skóla og traustan fjárhag. Frá því að ég varð bæjarfulltrúi hef ég haft þetta að leiðarljósi og unnið markvisst að því að byggja hér áfram upp samfélag sem er fjölskylduvænt og eftirsóknarvert fyrir einstaklinga á öllum aldri.
Lesa meiraMiðvikudaginn 2. febrúar hefst Lífshlaupið, landskeppni í hreyfingu. Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa. Markmið Lífshlaupsins er að hvetja landsmenn til að huga að sinni daglegu hreyfingu og auka hana eins og kostur er í frítíma, í skóla og við val á ferðamáta. Þrátt fyrir að Lífshlaupið sé átaksverkefni er það von mín að átakið leiði til þess að fleiri tileinki sér reglubundna hreyfingu.
Lesa meiraÍ samstarfi íþrótta- og tómstundaráðs, leik-, grunn- og Tónlistarskóla Garðabæjar, ungmennaráðs, Fjölbrautaskólans í Garðabæ, Jónshúss og frjálsu félaganna í bænum er forvarnarvika Garðabæjar nú haldin í sjötta sinn. Markmið forvarnarvikunnar er að vekja athygli á mikilvægum og fjölbreyttum þáttum í forvarnarstarfi ásamt því að virkja bæjarbúa til þátttöku.
Lesa meiraReglur um útivistartíma eru fyrst og fremst til að vernda börn og unglinga. Það hefur sýnt sig að eftirlitslaus börn og unglingar sem eru úti langt fram á kvöld eru líklegri til að fikta við tóbak, áfengi og fíkniefni og lenda frekar í ýmis konar vandræðum.
Lesa meiraUtankjörfundur verður haldinn frá og með mánudeginum 14. febrúar til og með föstudagsins 4. mars. Utankjörfundur fer fram í Valhöll, skrifstofu Sjálfstæðisflokksins, á milli kl. 10 og 16 alla virka daga á fyrrgreindu tímabili. Við hvetjum kjósendur til að nýta sér utankjörfund ef viðkomandi er á leið til útlanda eða út á land eða vill einfaldlega klára málið tímanlega.
Kjörfundur fer fram laugardaginn 5. mars milli kl. 9 og 19. Ætlunin er að kjörfundur fari fram í húsakynnum sjálfstæðisfélaganna í Garðabæ að Garðatorgi 7. Undirkjörstjórn sér um framkvæmd kjörfundar.
Þau sem náð hafa 15 ára aldri, eiga lögheimili í Garðabæ og eru skráð í Sjálfstæðisflokkinn (Hugin eða Sjálfstæðisfélag Garðabæjar) mega kjósa í prófkjörinu. Öll sem eru orðin 18 ára þann 5. mars geta skráð sig í flokkinn á kjördag en þau sem eru á aldrinum 15-17 ára þurfa að vera búin að því a.m.k. daginn fyrir kjördag, best er að 15-17 ára einstaklingar skrái sig í flokkinn fyrir 1. mars til að vera alveg örugg varðandi skráningu og kosningarétt í prófkjörinu.
